[]
حیدرآباد: آندھراپردیش کے انامیاضلع کے راجم پیٹ میں خاتون کے قتل کی واردات کے 9ماہ بعد اس کی لاش قبر کھود کرنکالی گئی۔ تفصیلات کے مطابق تاڑی پتری سے تعلق رکھنے والے گرینائٹ کے تاجر نریندرریڈی نے 13ماہ پہلے اننت پورکی رہنے والی دوسری ذات سے تعلق رکھنے والی جئے اماں سے شادی کی تھی۔
اس کے ارکان خاندان اور بزرگ اس بین ذات شادی کے خلاف تھے جنہوں نے اس پر اس کی ہی ذات سے تعلق رکھنے والی لڑکی سے شادی کیلئے دباو ڈالا جس پر اس نے چندراگری علاقہ کی لڑکی سے شادی کی تھی۔
اس واقعہ کی اطلاع پر جئے اماں نے اس سے ناانصافی کا الزام لگایاتھا اور اس سے علحدہ زندگی گذاررہی تھی جس پر برہمی کے عالم میں شوہر نریندرریڈی نے اپنے تین ساتھیوں کے ساتھ مل کر بیوی کا قتل کردیااور لاش کودفن کردیا۔نریندرریڈی کے ڈرائیور سے پولیس کی پوچھ گچھ پر یہ معاملہ سامنے آیا۔
ہمیں فالو کریں
