غزہ میں جنگ بندی کے حق میں نہیں، امریکہ کی ہٹ دھرمی جاری

مہر خبررساں ایجنسی نے الجزیرہ کے حوالے سے کہا ہے کہ امریکی قومی سلامتی کے مشیر جان کربی نے میڈیا کے نمائندوں سے بات کرتے ہوئے کہا ہے کہ امریکہ غزہ میں جنگ بندی کی حمایت نہیں کرے گا کیونکہ اس کا فائدہ حماس کو ہوگا۔

انہوں نے مگرمچھ کے آنسو بہاتے ہوئے کہا کہ امریکہ غزہ میں امدادی اشیاء کی فراہمی کو یقینی بنانا چاہتا ہے۔

یاد رہے کہ غزہ میں صہیونی حملوں کے علاوہ محاصرے کی وجہ سے اب تک 85 فیصد شہری اپنے گھر بار سے محروم ہوچکے ہیں۔ صہیونی حکومت بیرونی امداد کی راہ میں مسلسل رکاوٹ ڈال رہی ہے جس کی وجہ اقوام متحدہ کے ادارے نے بھی اپنی امدادی سرگرمیاں روکنے کا اعلان کیا ہے۔