[]
حیدرآباد۔ 27 دسمبر (پریس نوٹ) حیدرآباد سے تعلق رکھنے والے مایہ ناز اسلامی اسکالر پروفیسر محمد ممتاز علی صدر شعبہ اصول دینیات انٹرنیشنل اسلامک یونیورسٹی کوالالمپور ملائشیا کو اسلامی تحقیق کے موضوع پر ان کی حالیہ کتاب کے لئے حکومت ملائشیا نے قومی ایوارڈ عطا کیا۔
پروفیسر محمد ممتاز کو اس سے قبل بھی اس طرح کے اعزازات عطاء کئے جاچکے ہیں۔ انھیں ملائشیا کے وزیراعظم انور ابراہیم نے ان کی کتاب “Islamic Research: Theory, Methodolgy and Thesis Writing” کے لئے یہ ایوارڈ پیش کیا۔
انھیں پیش کردہ سند پر وزیراعظم ملائشیا انور ابراہیم اور وزیراعلیٰ تعلیم زامبری عبدالقادر کے دستخط ہیں۔ پروفیسر ممتاز علی کو 30 سے زائد ممالک میں اپنے مقالے پیش کرنے کا اعزاز حاصل ہے۔
