[]
حیدرآباد: تلنگانہ کے سابق وزیر فائنانس ہریش راؤ نے ریاست کی مالی حالت پر اسمبلی میں پیش کیے گئے وائٹ پیپر پر ردعمل ظاہر کرتے ہوئے وائٹ پیپر کو غلطیوں کا پلندہ قراردیا۔ انہوں نے اسمبلی میں اس مسئلہ پر اظہار خیال کرتے ہوئے الزام لگایا کہ یہ وائٹ پیپرسابق حکومت کو پریشان کرنے کا رجحان ہے۔
انہوں نے کہاکہ ریاست کے عوام نے کانگریس پارٹی سے کافی امیدیں وابستہ کی ہیں۔ عوام نے ان پر بھروسہ کیا اور انہیں اقتدار سونپا۔ عوام کی امیدیں کانگریس حکومت کوپوری کرنی چاہئیں۔
انہوں نے نکتہ چینی کرتے ہوئے کہا کہ اس وائٹ پیپر میں عوام کی ترقی کا کوئی پہلو نہیں ہے۔ یہ وائٹ پیپر سیاسی حریفوں کے خلاف ہے۔ ہریش راؤ نے الزام لگایا کہ اس وائٹ پیپر میں اعداد وشمار کو توڑمروڑ کر پیش کیاگیا ہے۔
ہمیں فالو کریں
