[]
ایس پی کمار پرتیک نے بتایا کہ ملزمان کے خلاف دفعہ 302، 379 آئی پی سی اور 4/21 منرل ایکٹ اور موٹر وہیکل ایکٹ کے تحت مقدمہ درج کیا گیا ہے۔ کیس کی تفتیش جاری ہے۔ اتوار کو پٹواری پرسنا سنگھ کی لاش کو بنساگر اسپتال لے جایا گیا، جہاں پوسٹ مارٹم کے بعد لاش کو ان کے آبائی گاؤں ریوا بھیج دیا گیا۔
اس واقعہ کے تعلق سے سابق وزیر اعلیٰ کمل ناتھ کے شدید ردعمل کے بعد بی جے پی لیڈر اور سابق وزیر اعلیٰ اوما بھارتی نے بھی حکومت پر نشانہ لگایا۔ سوشل میڈیا پلیٹ فارم ایکس پر اوما بھارتی نے لکھا، ’’شہڈول کے بیوہاری میں کان کنی مافیا کے ذریعہ غیر قانونی کانکنی روکنے کی وجہ سے ایک سرکاری ملازم کا قتل، مدھیہ پردیش کا پورا نظام معاشرے، گورننس اور انتظامیہ کے لیے بدنما اور شرمناک ہے، مجرموں کے خلاف سخت ترین کارروائی کی جانی چاہیے۔‘‘
