[]
جئے رام رمیش نے نامہ نگاروں کے سامنے راہل گاندھی کی ’بھارت جوڑو یاترا‘ کا بھی تذکرہ کیا۔ انھوں نے کہا کہ اس یاترا سے ملک میں تبدیلی کا دور شروع ہوا ہے، جس کا اثر قبل میں ہوئے اسمبلی انتخابات میں دیکھنے کو ملا۔ پانچ ریاستوں کے اسمبلی انتخابات کا جو نتیجہ آنے والا ہے، اس میں بھی بھارت جوڑو یاترا کا اثر دیکھنے کو ملے گا۔ جئے رام رمیش کا کہنا ہے کہ ملک میں گجرات ماڈل کی بات ہوتی ہے، لیکن راجستھان کی کانگریس حکومت نے تعلیم، طب اور خواتین کی حفاظت کو لے کر جس طرح بہتر کام انجام دیا ہے، وہ ملک کے لیے ایک نیا ماڈل ہے۔
