[]
رائے پور: چھتیس گڑھ میں اسمبلی انتخابات کے پہلے مرحلے کے لئے سخت حفاظتی انتظامات کے درمیان گھور نکسل علاقے کی 10 سیٹوں سمیت کل 20 سیٹوں پر ووٹنگ شروع ہو گئی ہے۔
ریاستی انتخابی دفتر سے موصولہ اطلاع کے مطابق 20 اسمبلی حلقوں میں سے دس نکسل متاثرہ اسمبلی حلقوں موہلا مان پور، انٹا گڑھ، بھانوپرتاپور، کانکیر، کیشکل، کونڈاگاؤں، نارائن پور، دنتے واڑہ ، بیجاپور اور کونٹا میں میں صبح سات بجے ووٹنگ شروع ہوئی اور دوپہر 3 بجے ووٹنگ ختم ہو جائے گی جبکہ 10 اسمبلی حلقوں پنڈاریا، کاوردھا، خیر گڑھ، ڈونگر گڑھ، راج ناندگاؤں، ڈونگرگاؤں، کھجی، بستر، جگدل پور اور چتر کوٹ میں ووٹنگ صبح 8 بجے شروع ہوئی اور شام 5 بجے تک جاری رہے گی۔
