روسی خبر رساں ایجنسی تاس کے مطابق پیسکوف نے ایک ٹی وی انٹرویو میں کہا کہ مغربی ممالک اپنے سیاسی مقاصد کے لیے روس کو ایک خطرے کے طور پر پیش کر رہے ہیں تاکہ یورپی عوام کی توجہ اپنے اندرونی مسائل سے ہٹائی جا سکے۔ ان کا کہنا تھا کہ یورپ اس وقت سکیورٹی، معیشت، شناخت اور اقدار کے بحران سے دوچار ہے اور ان مسائل کا ذمہ دار روس کو ٹھہرانا درست نہیں۔
انہوں نے مزید کہا کہ روس نے بارہا واضح کیا ہے کہ اس کا یورپ پر حملہ کرنے کا کوئی ارادہ نہیں ہے، تاہم اس کے باوجود اسے مسلسل ایک خطرے کے طور پر پیش کیا جا رہا ہے۔ پیسکوف کے مطابق یورپی قیادت کو اپنی داخلی مشکلات کا سامنا خود کرنا ہوگا اور وہ ہمیشہ روس کو مورد الزام نہیں ٹھہرا سکتی۔
