اخلاقیات کمیٹی کی میٹنگ میں ہنگامہ، مہوا موئترا سمیت اپوزیشن اراکین پارلیمنٹ کا واک آؤٹ

واضح رہے کہ اخلاقیات کمیٹی میں 15 اراکین ہوتے ہیں جن کو لوک سبھا اسپیکر کے ذریعہ منتخب کیا جاتا ہے۔ اس کمیٹی نے آج مہوا موئترا معاملے میں میٹنگ کی اور ذرائع کے حوالے سے یہ خبریں سامنے آ رہی ہیں کہ میٹنگ میں موئترا لگاتار کہہ رہی تھیں کہ پورا معاملہ ان کا ذاتی ہے، اس معاملے پر کمیٹی میں بحث کی ضرورت نہیں ہے۔ موئترا نے سوال اٹھاتے ہوئے پوچھا کہ ذاتی طور پر ان کو ان کے کسی دوست سے تحفہ ملتا ہے تو یہ معاملہ اخلاقیات کمیٹی کے سامنے کیسے لایا جا سکتا ہے۔