مہر خبررساں ایجنسی کی رپورٹ کے مطابق، ایرانی نائب وزیر خارجہ مجید تختروانچی دوطرفہ مذاکرات کے لیے آرمینیا کے دورے پر روانہ ہوگئے ہیں۔ اس دورے کا مقصد ایران اور آرمینیا کے درمیان اقتصادی، تجارتی، ٹرانزٹ، نقل و حمل اور ثقافتی شعبوں میں تعاون کو مزید فروغ دینا ہے۔
ذرائع کے مطابق، تختروانچی اپنے قیام کے دوران آرمینیا کے اعلیٰ حکام سے ملاقاتیں کریں گے، جن میں جنوبی قفقاز کے خطے کی تازہ صورتحال، علاقائی امن و سلامتی اور اس حوالے سے دونوں ممالک کے مابین تعاون پر تفصیلی گفتگو متوقع ہے۔
