علی مسقطی اور سابق ٹی ڈی پی لیڈر شکیلہ ریڈی پارٹی میں شامل ہوئیں۔

سفیر نیوز )ں)
14 اکتوبر 2025، حیدرآباد

تلنگانہ میں بھارت راشٹرا سمیتی (بی آر ایس) کو آج بڑا سیاسی سہارا ملا جب سینئر کانگریس لیڈر علی مسقطی اور سابق ٹی ڈی پی لیڈر شکیلہ ریڈی پارٹی میں شامل ہوئیں۔
بی آر ایس کے ورکنگ پریسیڈنٹ کے ٹی راما راؤ (کے ٹی آر) نے نندینگر میں اپنے رہائش گاہ پر دونوں رہنماؤں کا پارٹی کے روایتی گلابی دوپٹہ پہنا کر استقبال کیا۔

علی مسقطی نے کہا کہ بی آر ایس حقیقی سیکولر جماعت ہے، جبکہ موجودہ کانگریس حکومت نے اقلیتوں کو نظرانداز کیا ہے۔ انہوں نے کہا کہ کے سی آر کے دورِ حکومت میں اقلیتوں کی فلاح کے لیے نمایاں کام ہوئے۔

شکیلہ ریڈی نے ٹی ڈی پی سے استعفیٰ دے کر بی آر ایس میں شمولیت کا اعلان کیا اور کہا کہ کے سی آر اور کے ٹی آر کی قیادت میں تلنگانہ نے تاریخی ترقی حاصل کی تھی۔ انہوں نے کہا کہ وہ جوبلی ہلز ضمنی انتخاب میں بی آر ایس امیدوار کی کامیابی کے لیے بھرپور مہم چلائیں گی۔

نوجوان سیاسی کارکن روہت شرما نے بھی کے ٹی آر کی قیادت سے متاثر ہوکر بی آر ایس میں شمولیت اختیار کی۔

کے ٹی راما راؤ نے تینوں نئے ارکان کا خیرمقدم کرتے ہوئے کہا کہ ان کی شمولیت پارٹی کو مزید مضبوط بنائے گی۔