[]
حیدرآباد: مختلف مقامات پر پولیس نے تلاشی کے دوران رقم کو ضبط کرلیا۔ پولیس کے پریس نوٹ کے بموجب فلم نگر پولیس نے نارائنہ انجینئرنگ کالج کے قریب گاڑیوں کی تلاشی کے دوران ایک کار سے 30لاکھ ضبط کرلئے کار میں ونود اور رگھو نند ریڈی نامی اشخاص سوار تھے۔
دوسرا واقعہ چادر گھاٹ علاقہ میں پیش آیا جہاں پولیس تلاشی لے رہی تھی کہ ایک گاڑی سے9لاکھ 30ہزار روپے ضبط کرلئے گئے۔ گاڑی وائی گوپی نامی شخص چلا رہا تھا۔
تیسرے واقعہ میں پرانا پل گاندھی جی مجسمہ کے قریب پولیس تلاشی لے رہی تھی کہ ایک ایکٹوا گاڑی کی تلاشی پر15لاکھ روپے ضبط کرلئے گئے۔یہ کارروائی گوشہ محل پولیس نے کی۔
چوتھے واقعہ میں آغا پورہ کراس روڈ پر حبیب نگر پولیس تلاشی لے رہی تھی کہ ایک شخص کی گاڑی سے 5لاکھ روپے ضبط کرلئے گئے، ایک اور واقعہ میں حبیب نگر پولیس تلاشی لے رہی تھی کہ بیگم بازار کے دنیش پرجاپتی کی ایکٹوا سے 12لاکھ روپے ضبط کرلئے گئے، ایک اور واقعہ میں گاڑی سے15لاکھ روپے ضبط کرلئے گئے۔
تمام رقومات کو انکم ٹیکس ڈپارٹمنٹ کے حوالے کردیا جائے گا۔ الیکشن کوڈ لاگو ہونے کی وجہ سے پولیس نے تلاشی مہم میں تیزی پیدا کردی ہے۔
