سیتاپور: سماجوادی پارٹی کے سینئر رہنما اور سابق کابینی وزیر محمد اعظم خان 23 ماہ کے طویل عرصے کے بعد سیتاپور جیل سے رہا ہو گئے ہیں۔ آج ان کی رہائی کے موقع پر جیل اور آس پاس کے علاقے میں سخت حفاظتی انتظامات کیے گئے تھے تاکہ کسی بھی قسم کے ہنگامے یا بدنظمی سے بچا جا سکے۔
اصل میں اعظم خان کی رہائی منگل صبح متوقع تھی لیکن جب ضمانتی بانڈ جمع کروانے کے دوران ان کے پتے میں غلطی سامنے آئی تو رہائی کی کارروائی رک گئی۔ بعد ازاں دوپہر تک بانڈ میں اصلاحات کے بعد رہائی کی تمام کارروائیاں مکمل کی گئیں۔ اعظم خان سخت سکیورٹی کے درمیان گاڑی میں بٹھا کر جیل کے احاطے سے باہر نکالا گیا۔
