[]
حیدرآباد: تلنگانہ اسٹیٹ روڈٹرانسپورٹ کارپوریشن (ٹی ایس آرٹی سی) کے منیجنگ ڈائرکٹر وی سی سجنار نے آج کہاکہ آرٹی سی کے تمام ملازمین کے لئے زیرالتواء تمام مہنگائی الاونس (ڈی اے) کی منظوری دی گئی ہے۔
سجنار نے بتایا کہ انتظامیہ نے حالیہ دنوں تمام اسٹاف کے لئے رواں سال جولائی سے 4.8 فیصد ڈی اے منظور کرنے کا فیصلہ کیاہے۔
انہوں نے مزید بتایا کہ اسٹاف کواکتوبرکی تنخواہ کے ساتھ ڈی اے ادا کیاجائے گا۔
بہتر خدمات اور مسافرین کے محفوظ سفر کویقینی بنانے کے لئے آرٹی سی اسٹاف سخت محنت کررہا ہے۔ کارپوریشن نے 2019 سے اقساط میں ڈی اے کی منظوری دی ہے۔اسٹاف کوتمام ڈی اے ادا کیاجارہاہے۔
