راہل گاندھی نے میڈیا سے بات کرتے ہوئے کہا، ’’یہ صرف بہار کی بات نہیں ہے، مہاراشٹر میں بھی ووٹر لسٹ کے ساتھ چھیڑ چھاڑ کی گئی۔ ہم نے الیکشن کمیشن سے ویڈیو اور ووٹر لسٹ مانگی مگر حکومت نے قانون ہی بدل دیا۔‘‘
انہوں نے مزید کہا، ’’کانگریس نے کرناٹک کی ایک لوک سبھا سیٹ پر 6 مہینے تحقیق کی اور الیکشن چوری کا پورا نیٹ ورک سمجھ لیا۔ ہمیں سب ہمیں معلوم ہے کہ کس طرح نئے ووٹر بنائے جا رہے ہیں، کون اور کہاں سے ووٹ ڈال رہا ہے۔ یہی ماڈل اب بہار میں لاگو کیا جا رہا ہے، تاکہ مخصوص طبقات کو ووٹنگ سے باہر رکھا جا سکے۔‘‘
