جے رام رمیش نے ایک سوشل میڈیا پوسٹ میں 15 جون 2020 کو وزیراعظم کے اس بیان کا حوالہ دیا جس میں انہوں نے کہا تھا کہ ’نہ کوئی ہماری سرحد میں گھسا ہے، نہ ہی کوئی گھسا ہوا ہے۔‘ یہ بیان گلوان وادی میں چینی فوج کے ساتھ جھڑپ کے صرف چار دن بعد سامنے آیا تھا، جس میں ہندوستان کے 20 فوجی شہید ہوئے تھے۔
کانگریس لیڈر نے کہا کہ یہ افسوسناک واقعہ بعد میں 21 اکتوبر 2024 کو ایک سمجھوتے پر ختم ہوا لیکن اس کے اثرات اب تک جاری ہیں۔ انہوں نے کہا کہ چین کے ساتھ ہماری اقتصادی وابستگی میں مسلسل اضافہ ہو رہا ہے اور یہ ہمارے لیے سنگین چیلنج بن چکا ہے۔
