لوک سبھا میں قائد حزب اختلاف اور کانگریس کے رکن پارلیمنٹ راہل گاندھی نے گزشتہ روز اپنے پارلیمانی علاقے رائے بریلی کے دو روزہ دورے کا آغاز کیا۔ اس دوران انہوں نے علاقے میں جدید سہولتوں کا افتتاح کیا اور عوامی حمایت کا عہد کیا۔
راہل گاندھی نے اپنے دورے کے دوران ویساکھا فیکٹری میں ایٹم الیکٹریکل چارجنگ اسٹیشن کا افتتاح کیا، جس سے علاقے میں توانائی کی بچت اور ماحول کو فائدہ ہوگا۔ اس کے علاوہ، انہوں نے چوراہے پر موجود کارکنوں سے ملاقات کے لیے اپنی گاڑی رکوا کر عوام سے براہ راست رابطہ کیا اور ان کے مسائل کو سنا۔
