[]
پنجی: گوا میں ایک خانگی اسکول کے پرنسپل کو دایاں بازو کی ایک تنظیم کی اس شکایت پر معطل کردیا گیا کہ 11 ویں جماعت کے بعض طلبا کو ورکشاپ کے لئے مسجد لے جایا گیا۔
ہائرسکنڈری اسکول مینجمنٹ کے ایک رکن نے پیر کے دن پرنسپل کی معطلی کی جانکاری دی جبکہ ریاستی محکمہ تعلیم کے ایک عہدیدار نے کہاکہ ہفتہ کے دن پیش آئے واقعہ کے سلسلہ میں اسکول انتظامیہ سے رپورٹ طلب کرلی گئی ہے۔
وشواہندو پریشد (وی ایچ پی) کے بعض ارکان نے واسکو پولیس میں شکایت درج کرائی تھی کہ واسکو ٹاؤن میں واقع اسکول کا پرنسپل ”ملک دشمن سرگرمیوں کی حمایت کررہا ہے“۔
انہوں نے دعویٰ کیا کہ ممنوعہ پاپلر فرنٹ آف انڈیا (پی ایف آئی) سے جڑی ایک تنظیم کی دعوت پر گزشتہ ہفتہ ورکشاپ کا اہتمام کیا گیا۔ طلبا کو مبینہ طورپر وضو کرایا گیا۔ پرنسپل شنکر گاؤنکر کو معطل کردیا گیا۔
