واشنگٹن: امریکی سپریم کورٹ نے سابق صدر ڈونلڈ ٹرمپ کو ایک بڑا جھٹکا دیتے ہوئے ان کے اس حکم پر روک لگا دی ہے جس میں امریکہ میں پیدا ہونے والے ان بچوں کو شہریت نہ دینے کی بات کہی گئی تھی جن کے والدین کے پاس قانونی دستاویزات موجود نہیں یا وہ عارضی ویزا پر ملک میں مقیم ہیں۔
عدالت نے اس حکم پر حتمی فیصلہ سنانے سے پہلے آئینی اور قانونی دلائل سننے کا فیصلہ کیا ہے اور اس سلسلے میں 15 مئی کو باقاعدہ سماعت مقرر کی گئی ہے۔ سپریم کورٹ نے واضح کیا ہے کہ وہ فی الحال یہ نہیں طے کرے گی کہ آیا ٹرمپ کا یہ حکم امریکی آئین کے مطابق ہے یا نہیں۔ اس کے بجائے، عدالت اس نکتے پر غور کرے گی کہ کیا ضلعی عدالتوں کے ججوں کو پورے ملک پر اثر انداز ہونے والے احکامات جاری کرنے کا اختیار حاصل ہے یا نہیں۔
