[]
سری گنگا نگر: راجستھان کے ہنومان گڑھ ضلع میں بھدرا تھانہ علاقے کے تحت ننان گاؤں میں شراب کے ٹھیکے پر ایک نوجوان کو پیٹ پیٹ کر ہلاک کر دیا گیا۔
تھانہ انچارج کویتا پونیا کے مطابق، آج صبح تقریباً 3:15 بجے اطلاع ملی کہ نینان گاؤں میں بس اسٹینڈ کے نزدیک شراب کے ٹھیکے کے سامنے ایک نوجوان مردہ حالت میں پڑا ہے۔
موقع پر پہنچ کر تفتیش کی گئی تو متوفی کی شناخت سنیل عرف دھولو ساکن گاوں ننان کے نام سے ہوئی ہے۔ انہوں نے کہا کہ قتل کے اس معاملے میں فی الحال چار مشتبہ نوجوانوں کو پوچھ گچھ کے لیے گرفتار کیا گیا ہے۔
اگر کوئی اور بھی واقعے میں ملوث ہے تو اسے بھی گرفتار کیا جائے گا۔
دوسری جانب متوفی سنیل کے چچا ستویر کے مطابق انہیں آج صبح تقریباً 3:45 بجے اطلاع ملی کہ سنیل کو ٹھیکے پر پیٹ پیٹ کر قتل کیا گیا ہے۔
یہاں پہنچنے پر معلوم ہوا کہ بس اڈا کے نزدیک ایک ہوٹل پر سنیل اورکچھ نوجوان کل رات تقریباً 12 کھانا کھارہے تھے کہ ان میں کسی بات کو لے کر جھگڑا ہوگیا۔
جھگڑے میں شراب ٹھیکیدار کے کارکن بھی شامل ہو گئے جو سنیل کو ٹھیکے پر لے آئے، مارپیٹ کر اس کا قتل کردیا اورلاش ٹھیکے کے آگے ڈال دی۔
جھگڑے کی وجہ تاحال معلوم نہیں ہوسکی ہے۔ پولیس نے جائے وقوعہ کو اپنی حفاظتی حصار میں لے لیا ہے۔
