Salman Khan death threat: ممبئی: بالی ووڈ اداکار سلمان خان کو پیر کے روز ایک اور جان سے مارنے کی سنگین دھمکی موصول ہوئی ہے جس کی اطلاع ممبئی پولیس نے دی ہے۔
یہ دھمکی واٹس ایپ کے ذریعہ دی گئی اور اسے ورلی ٹرانسپورٹ ڈپارٹمنٹ کے سرکاری نمبر پر بھیجا گیا۔ پیغام میں واضح طورپر کہا گیا ہے کہ سلمان خان کو ان کی رہائش گاہ پر قتل کر دیا جائے گا اور ان کی گاڑی کو بم سے اڑا دیا جائے گا۔
پولیس حکام نے تصدیق کی ہے کہ اس معاملہ میں ورلی پولیس اسٹیشن میں مقدمہ درج کر لیا گیا ہے۔پولیس نے بتایا کہ اس دھمکی کی سنگینی کو مدنظر رکھتے ہوئے تحقیقات کا دائرہ وسیع کر دیا گیا ہے اور معاملہ کی مکمل جانچ جاری ہے۔
سلمان خان کو اس سے قبل بھی متعدد بار جان سے مارنے کی دھمکیاں مل چکی ہیں جس کے باعث ان کی سیکوریٹی میں پہلے ہی اضافہ کیا جا چکا ہے۔ تاہم تازہ دھمکی نے ایک بار پھر خطرہ کی گھنٹی بجا دی ہے اور ممبئی پولیس نے پوری سنجیدگی سے اس معاملہ کو لے کر قانونی کارروائی شروع کر دی ہے۔
ہمیں فالو کریں
