[]
حیدرآباد: مسرز نارڈ انجلیا ایجوکیشن (آکریج انٹرنیشنل گروپ آف اسکولس حیدرآباد) نے کارپوریٹ سماجی ذمہ داری کے تحت نہرو زوالوجیکل پارک میں جانوروں کی دیکھ بھال کے انتظامات کیلئے 15 لاکھ روپے کا عطیہ دیا۔
اس سلسلہ میں نارڈ انجلیا ایجوکیشن کی ٹیم مسرز مویتری کیرمن‘ سینئر منیجر گویند‘ اسسٹنٹ منیجر ملیشوری‘ سکریٹریز انکیتا اور ریشیتا نے آج زو پارک پہنچ کر کیوریٹر زو پارک ڈاکٹر سنیل ایس ہیری مات سے ملاقات کرکے انہیں 15 لاکھ روپے کا چیک حوالے کیا۔
اس موقع پر ڈائرکٹر زو پارک این پر پرساد نے عطیہ دہندگان ٹیم سے اظہار تشکر کیا۔
نارڈ انجلیا ایجوکیشن کی ٹیم زو پارک میں جنگلی جانوروں اور پرندوں کی دیکھ بھال اور زو پارک کی خوبصورتی سرسبزو شاداب ماحول اور انتظامات کی ستائش کی۔
