File photo
حیدرآباد ۔ کے این واصف
محترم و مقدس ترین شہروں کے ملک سعودی عرب میں منشیات کے اسمگلرز اور دیگر گھناؤنے جرائم میں ملوث افراد کے گرفتاریوں کی خبریں پڑھ کر رونگٹے کھڑے ہوجاتے ہیں۔
اس سلسلہ کی ایک تازہ خبر کے مطابق سعودی سیکیورٹی حکام نے منشیات کے سمگلروں اور اس کی تشہیر کرنے والوں کے خلاف اپنی گرفت مزید سخت کردی ہے۔ اس سلسلے میں مملکت کے مختلف علاقوں میں سیکیورٹی مہم جاری ہے۔مقامی میڈیا کے مطابق جنوبی سعودی عرب کے علاقے جازان سے ایک شہری اور یمنی کو گرفتار کیا گیا ہے ان کے قبضے سے 56119 نشہ آور گولیاں برآمد کی گئیں۔ انہیں گرفتار کرنے کے بعد کارروائی مکمل کرکے پبلک پراسیکیوشن کے حوالے کردیا گیا۔
جازان سیکیورٹی فورسز نے العارضہ سیکٹر میں 21 کلو گرام چرس سمگلنگ کی کوشش ناکام بنادی اور منشیات مجاز اتھارٹی کے حوالے کردی گئی۔
سیکیورٹی حکام کا کہا ہے کہ وہ مکہ مکرمہ، ریاض اور مشرقی ریجن میں 911 اور مملکت کے دیگر علاقوں میں 999 پر اور جنرل ڈائریکٹوریٹ آف ڈرگ کنٹرول کو 995 پر منشیات کی اسمگلنگ، تشہیر کے حوالے سے رپورٹ کرسکتے ہیں۔ تمام رپورٹس پر کارروائی خفیہ طریقے سے کاروئی کی جائے گی۔
