جمعرات کو چنچل گوڑہ جونیر کالج گراونڈ پر کل ہند مرکزی رحمت عالم کمیٹی کی عظیم الشان ۲۳ ویں لیلۃ القدرو تحفظِ ناموسِ رسالتؐ کانفرنس
مہمان مقرر ین عالمی شہرت یافتہ عالم دین ،مفکر اسلام علامہ محمد شہریار رضا خان (بہار)، علامہ مفتی محمد گلفام رضا قادری (اترپردیش) ، علامہ ڈاکٹر سید شاہ عبدالمعزحسینی قادری شرفی کی شرکت و خطابات
حیدرآباد۔23/مارچ2025ء ( راست ) کل ہند مرکزی رحمت عالم کمیٹی کی عظیم الشان تئیسویں لیلۃ القدر کانفرنس و تحفظ ناموس رسالت ﷺ کا انعقاد 27/مارچ2025ء بروزہفتہ بعد نمازِ تراویح بمقام : گورنمنٹ جونیر کالج گراؤنڈ چنچل گوڑہ پر عمل میں آئیگا ۔محمد شاہد اقبال قادری (صدر رحمت عالم کمیٹی) ـ و ڈاکٹر عظمت رسول کی اطلاع کے بموجب کانفرنس کی قیادت پیر طریقت حضرت مولانا سید محمد رفیع الدین حسینی رضوی قادری شرفی صاحب قبلہ ( شرفی چمن ) ، صدارت حضرت مولانا سید خلیل اللہ شاہ بابا قادری قدرتی محبوبی صاحب ، سرپرستی حضرت مولانا سید محمد شاہ قادری ملتانی صاحب، نگرانی عالیجناب محمد شوکت علی صوفی صاحب کرینگے ۔ حمایت حضرت مولانا محمد اخلاق اشرفی صاحب (چیرمین ورلڈ قرآنک مشن )، مہمانِ خصوصی کی حیثیت سے حکیم ایم اے ساجد قادری ملتانی صاحب ، ڈاکٹر حیدر یمنی ، ڈاکٹر مجیب شاہد ، ڈاکٹر محمد عظیم برکاتی (ایڈوکیٹ) ، ڈاکٹر سید خالد صاحب ، ڈاکٹر سید قمر قادری صاحب ، ڈاکٹر غوث قادری صاحب جناب سید اعزاز محمد قادری (اعجاز پریس) شرکت کرینگے ۔ اس عظیم الشان کانفرنس میں پہلے مہمانِ مقرر کی حیثیت سے عالمی شہرت یافتہ ممتاز عالم دین ،مفکر اسلام ، خطیب الہند حضرت العلامہ محمد شہریار رضا خان صاحب (بانی و سرپرست مدرسہ تجوید القرآن جامعہ اُمہات المؤمنین ،پورنیہ ، بہار) دوسرے مہمان مقرر شمالی ہند کے نامور عالم دین مفکر اسلام ، خطیب ہندوستان ، شعلہ بیان مقرر حضرت العلامہ حافظ و قاری مفتی محمد گلفام رضا قادری صاحب ( رامپور ، اترپردیش) کے خصوصی خطابات ہونگے ۔ نیز مقامی علماء کرام میں حضرت العلامہ ڈاکٹر سید شاہ عبدالمعز حسینی رضوی قادری شرفی (کامل الحدیث جامعہ نظامیہ)، حضرت مولانا حافظ و قاری محمد اقبال احمد رضوی ، حضرت مولانا ڈاکٹر محمد عبدالنعیم قادری نظامی ( نائب صدر رحمت عالم کمیٹی ) کے بھی خطابات ہونگے ۔صدر استقبالیہ عالیجناب مرزا نثار احمد بیگ نظامی صاحب ( ایڈوکیٹ سپریم کورٹ) خطبہ استقبالیہ پیش کرینگے ۔ کانفرنس کا آغاز حافظ و قاری کلیم الدین حسان صاحب کی قراء ت کلامِ پاک سے ہوگا ۔ بارگاہِ رسالتمآب ﷺ میں معروف ثناء خوانِ رسول ملک محمد اسمٰعیل علی خاں (گولڈ مڈلسٹ ) ، مجتبیٰ محامد اخلاقی ، محمد شفیع رضا قادری ، محمد سیف رضا قادری ، محمد مجاہد رضا ، سید سفیان حسین ، سید نعمان حسین ہدیہ نعت پیش کرینگے ۔ محمد شاہد اقبال قادری ( صدر رحمت عالم کمیٹی ) نے کہا کہ الحمد للہ رحمت عالم کمیٹی مسلسل 29سالوںسے اپنے دینی ، اصلاحی و تبلیغی مشن کو جاری رکھے ہوئے ۔ عصر حاضر میں مسلمانوں کے ایمان و عقیدہ کے تحفظ کیلئے کمیٹی مسلسل اپنی خدمات انجام دے رہی ہے ۔ اس عظیم الشان کانفرنس میں قرآن مجید کا آفاقی پیغام اُمت ِ مسلمہ کے نام ، شانِ رسالتمآب ﷺ میں گستاخی اور اس کی سزا ، تحفظ ِ ناموس رسالت اور مسلمانوں کی ذمہ داریاں ، نوجوان نسلوں کی حفاظت اور اسلامی تعلیم و تربیت کی اہمیت ، عصر حاضر میں مسلم معاشرہ کے بگڑتے ہوئے حالات ، دشمنان اسلام کی اسلام اور مسلمانوں کے خلاف سازشیں ، مسلم نوجوانوں لڑکے و لڑکیوں کی دین سے دوری ، مغربی کلچر کی طرف رغبت اور والدین و سرپرستوں کی ذمہ داریاں جیسے عنوانات پر مہمان مقررین کرام و مقامی مقررین کے بصیرت افروز و فکر انگیز خطابات ہونگے ۔ نیز عالم اسلام کے مظلوم مسلمانوں کیلئے رقت انگیز دعاء کا اہتمام ہوگا ۔ سابقہ کانفرنسوں و جلسوں میں فرزندان توحید کی کثیر تعداد کو دیکھتے ہوئے گورنمنٹ جونیر کالج گراونڈ چنچل گوڑہ پر وسیع تر نشستوں کے خصوصی انتظامات رہینگے ۔ پینے کے پانی اور پارکنگ کی بہتر سہولت رہیگی۔ محمد عادل اشرفی ، محمد اسلم اشرفی ، محمد قادر خان قادری ،سید لئیق قادری، محمد عبدالکریم رضوی ، محمد عظیم برکاتی ( ایڈوکیٹ ) ، سید طاہر حسین قادری ، محمد عبید اللہ سعدی قادری شرفی نے تمام برادران اسلام سے گذارش کی ہے اس عظیم الشان کانفرنس کو وقت کی اہم ضرورت سمجھتے ہوئے کثیر تعداد میں شرکت فرماکر اس کانفرنس کو کامیاب بنائیں۔
