حیدرآباد: تلنگانہ اسمبلی میں وزیر پونم پربھاکر اور ایم ایل اے پلاراجیشور ریڈی کے درمیان بحث دیکھی گئی۔راجیشور ریڈی نے حیدرآباد میں ایم ایم ٹی ایس ٹرین میں ایک نوجوان لڑکی پر جنسی حملے کی کوشش کے معاملے کو اٹھایا۔
انہوں نے ریاست میں امن و امان کی بگڑتی صورتحال پر شدید تنقید کرتے ہوئے کہا کہدو دن گزرنے کے باوجود ملزم کو گرفتار نہیں کیا گیا۔ اس پرردعمل ظاہر کرتے ہوئے وزیر پونم پربھاکر نے بتایا کہ پولیس نے اس واقعہ میں ملوث ملزم کی شناخت کر کے اسے گرفتار کر لیا ہے۔
انہوں نے مزید کہا کہ جب سے کانگریس حکومت اقتدار میں آئی ہے، پولیس کے محکمہ میں کئی اصلاحات کی گئی ہیں۔ ان اصلاحات کا مقصد عوام کے لیے فریندلی پولیسنگ کو فروغ دینا اور مجرموں کے خلاف سخت کارروائی کرنا ہے۔
انہوں نے کہا کہ پولیس فورس کو سیاسی معاملات میں گھسیٹنے کی کوشش نہ کی جائے۔ انہوں نے کہا کہ اگر کوئی سیاسی جماعت پولیس کو اپنے مقاصد کے لیے استعمال کرنے کی کوشش کرے گی، تو اس کا انجام وہی ہوگا جو سابقہ بی آر ایس حکومت کا ہوا تھا۔
ہمیں فالو کریں
