حیدرآباد: تلنگانہ حکومت کو 21 اور 23 مارچ کے درمیان ژالہ باری سے ہونے والے فصلوں کے نقصان کی ابتدائی رپورٹ موصول ہوئی ہے جس سے 13 اضلاع کے 64 منڈلوں میں 11,298 ایکڑ رقبہ متاثر ہوا ہے۔
ریاستی وزیر زراعت ٹی ناگیشورراونے محکمہ زراعت کے عہدیداروں کو کسانوں کے حساب سے سروے کرنے اور نقصانات کا درست اندازہ لگانے کے لیے حتمی رپورٹ تیار کرنے کی ہدایت دی ہے۔
متاثرہ فصلوں میں 6,670 ایکڑ دھان، 4,100 ایکڑ مکئی اور 309 ایکڑ آم شامل ہیں، باقی رقبہ دیگر فصلوں پر مشتمل ہے۔
پیر کو ایک سرکاری بیان میں کہا گیا، ”فصل کے نقصان کی مکمل رپورٹ موصول ہونے کے بعد ہم معاوضہ کی ادائیگی کے لیے اقدامات کریں گے،” وزیرموصوف نے متاثرہ کسانوں کی مدد کے لیے حکومت کے عزم کااظہارکرتے ہوئے یقین دلایا۔
ہمیں فالو کریں
