ناگپور: مہاراشٹر کے ناگپور میں حالیہ فرقہ وارانہ تشدد کے معاملے پر بدھ کو اسمبلی میں اپوزیشن نے ریاستی حکومت پر شدید حملہ کیا۔ اپوزیشن نے حکومت پر خفیہ نظام کی ناکامی کا الزام عائد کرتے ہوئے کہا کہ ریاستی انتظامیہ فرقہ وارانہ کشیدگی پر قابو پانے میں ناکام رہi۔
لیڈر آف اپوزیشن وجے وڈیٹیوار نے ایوان میں کہا کہ ناگپور وزیر اعلیٰ دیویندر فڑنویس کا حلقہ ہے، اس کے باوجود وہاں پولیس کی عدم موجودگی نے خفیہ نظام پر سوال کھڑے کر دیے ہیں۔ انہوں نے کہا، ’’اگر تشدد منصوبہ بند تھا تو پھر پولیس کہاں تھی؟ تشدد بھڑکنے کے ڈیڑھ گھنٹے بعد بھی پولیس نظر نہیں آئی۔ یہ حکومت کی بڑی کمزوری ہے۔‘‘
