مہر خبررساں ایجنسی کے مطابق، صہیونی حکومت کی جانب سے غزہ پر نئے حملوں کے آغاز کے ساتھ ہی احتجاجی مظاہروں کا سلسلہ شروع ہوا ہے۔
امریکی صدر ڈونلڈ ٹرمپ کی جانب سے تل ابیب کے حملوں کو سبز جھنڈی دکھانے کی وجہ سے ان مظاہروں میں شدت آئی ہے۔
اٹلی کے شہر میلان میں فلسطینی عوام کے ساتھ یکجہتی اور ٹرمپ کی پالیسیوں کے خلاف امریکی قونصل خانے کے سامنے وسیع پیمانے پر مظاہرہ کیا گیا۔
واضح رہے کہ صہیونی حکومت کے غزہ پر حملوں کا دوسرا دن جاری ہے، جس میں اسرائیلی طیارے غزہ کے مختلف علاقوں کو بمباری کررہے ہیں۔ اسرائیلی توپ خانے اور ہیلی کاپٹر بھی ان وحشیانہ حملوں میں حصہ لے رہے ہیں، جس کے نتیجے میں اب تک ۴۳۹ افراد شہید اور سینکڑوں زخمی ہوچکے ہیں۔
