چنئی: نیشنل ایروناٹکس اینڈ اسپیس ایڈمنسٹریشن (ناسا) کے اسپیس ایکس کریو-9 (بشمول ہند نژاد خاتون خلاباز سنیتا ولیمس اور تین دیگر) نے بین الاقوامی خلائی اسٹیشن (آئی ایس ایس) پر ایجنسی کا نواں کمرشیل کریو روٹیشن مشن مکمل کیا اور بدھ کے روز 0327 بجے امریکی خلیج میں فلوریڈا کے ٹلہاسی ساحل پر اسپیس ایکس ڈریگن خلائی جہاز میں بحفاظت اترآئے۔
ناسا نے اپنی ویب سائٹ پر شائع پریس ریلیز میں کہا کہ اس کے خلاباز نک ہیگ، سنیتا ولیمس اور بوچ ولمور اور روسکموس کے خلاباز الیگزینڈر گوربونوف مشرقی زون کے وقت کے مطابق شام 5:57 بجے زمین پر واپس آئے۔
اسپیس ایکس کے ریکوری جہازوں پر سوار ٹیموں نے خلائی جہاز اور اس کے عملہ کو بازیافت کیا۔
ساحل پر واپس آنے والا عملہ ہوسٹن میں ناسا کے جانسن اسپیس سینٹر کے لیے اڑان بھرے گا جہاں وہ اپنے اہل خانہ کے ساتھ ملے گا۔
ناسا کی قائم مقام ایڈمنسٹریٹر جینیٹ پیٹرو نے کہا، “ہم سنیتا، بوچ، نک اور الیگزینڈر کو اپنے مہینوں طویل مشن کے بعد آئی ایس ایس پر سائنس، ٹیکنالوجی کے مظاہروں اور مشاہدوں کے بعد وطن واپس آنے پر بہت خوش ہیں۔”
ہمیں فالو کریں
