غزہ: مقبوضہ بیت المقدس میں اسرائیلی فورسز کی جارحیت جاری ہے، رمضان المبارک کے دوران قابض فوج نے مسجد اقصیٰ میں فجر کی نماز کے لیے جمع فلسطینی نمازیوں پر حملہ کر دیا۔
عالمی میڈیا رپورٹس کے مطابق، اسرائیلی فورسز نے اسلام کے تیسرے مقدس ترین مقام مسجد اقصیٰ کے صحن میں گھس کر نمازیوں کو ہراساں کیا اور انہیں عبادت سے روکنے کی کوشش کی۔
اس کے علاوہ، قابض اسرائیلی حکام نے مغربی کنارے سے فلسطینیوں کے مسجد اقصیٰ آنے پر مزید سخت پابندیاں عائد کر دی ہیں تاکہ وہ رمضان المبارک کے دوران عبادات نہ کر سکیں۔
فلسطینی عوام کے مذہبی حقوق پر اس حملے کی عالمی سطح پر مذمت کی جا رہی ہے، جبکہ انسانی حقوق کے ادارے اسرائیلی جارحیت کو فوری طور پر روکنے کا مطالبہ کر رہے ہیں۔
ہمیں فالو کریں
