مہر خبررساں ایجنسی کی رپورٹ کے مطابق، یورو میڈیٹرینین ہیومن رائٹس واچ نے رپورٹ دی ہے کہ 19 جنوری کو جنگ بندی کے اعلان کے بعد سے اسرائیل نے غزہ میں کم از کم 150 فلسطینیوں کو شہید کیا ہے۔
ان اعداد و شمار سے ظاہر ہوتا ہے کہ روزانہ اوسطاً 3 فلسطینی اسرائیل کے حملوں میں مارے گئے ہیں۔
صیہونی حکومت نے غزہ کی پٹی میں جنگ بندی کے معاہدے کے دوسرے مرحلے میں خلل ڈالتے ہوئے مصر اور فلسطین کی سرحد پر فلاڈیلفیا کوریڈور سے انخلاء سمیت معاہدے کی اہم شقوں کو مسترد کر دیا ہے۔
اس کے علاوہ اس رژیم نے غزہ کی پٹی کی امداد روکنے کے ساتھ علاقے کی بجلی کاٹ دی ہے اور معاہدے کے دوسرے مرحلے میں داخل ہونے کے لیے شرائط طے کر رہی ہے۔
