مہر خبررساں ایجنسی کی رپورٹ کے مطابق، غزہ کے بعد غرب اردن میں بھی صہیونی حکومت کے خلاف فلسطینی عوام کی مقاومت میں اضافہ ہورہا ہے۔
صہیونی چینل کان نے کہا ہے کہ مقبوضہ فلسطین کے علاقے گوش دان میں صہیونی سیکورٹی فورسز پر حملہ کیا گیا ہے۔
چینل کے مطابق جنین سے تعلق رکھنے والے فلسطینی شہری نے اسرائیلی فوجی اڈے پر حملہ کرتے ہوئے ایک صہیونی فوج کو گاڑی تلے کچل دیا ہے۔
واقعے کے بارے میں زیادہ تفصیلات سامنے نہیں آئی ہیں۔
صہیونی فوج نے تاحال واقعے پر کوئی بیان جاری نہیں کیا ہے۔
