مہر خبررساں ایجنسی کی رپورٹ کے مطابق، ایرانی بحریہ کے سربراہ ریئر ایڈمرل شہرام ایرانی نے کہا ہے کہ امریکی صدر ڈونلڈ ٹرمپ کے بیانات، جن میں وہ امریکہ کی طاقت کو ایران، چین اور روس کے مشترکہ بحری مشقوں سے برتر قرار دے رہے ہیں، خام خیالی پر مبنی ہیں۔
ریئر ایڈمرل ایرانی نے کہا کہ “سیکیورٹی بیلٹ 2025” مشترکہ مشقوں میں ایران، چین اور روس کی شرکت کا مقصد خطے میں سیکیورٹی کو استحکام بخشنا ہے۔ اس کے برعکس امریکہ اور اس کے اتحادی ممالک عالمی سطح پر عدم استحکام کا سبب بنتے رہے ہیں۔
ایرانی نیوی کمانڈر نے کہا کہ دیگر علاقائی ممالک بھی بحری سرگرمیوں میں نمایاں پیش رفت کرچکے ہیں اور مستقبل میں ان مشقوں میں شامل ہوں گے۔
واضح رہے کہ ساتواں مشترکہ میری ٹائم سیکیورٹی بیلٹ 2025 مشقیں شمالی بحر ہند میں ہوں گی جن میں ایران، روس اور چین کی بحری افواج شامل ہوں گی۔ مشقوں متعدد علاقائی ممالک کے مبصرین بھی موجود ہوں گے۔ ان مشقوں کا مقصد سیکیورٹی کو مضبوط بنانا، سمندری تعاون کو مستحکم کرنا اور تینوں ممالک کے درمیان بحری تعاون کو فروغ دینا ہے۔
