دہلی: گوا میں ایک دل دہلا دینے والا واقعہ پیش آیا جہاں ایک جوڑے کو اپنے پڑوس کی 5 سالہ بچی کے قتل اور اس کی لاش اپنے صحن میں دفنانے کے الزام میں گرفتار کر لیا گیا ہے۔ پولیس نے اس واقعہ کی تصدیق کی۔
ملزمان کی شناخت بابا صاحب الار (52) اور ان کی بیوی پوجا (45) کے طور پر کی گئی ہے۔ تفتیش کے دوران انہوں نے انکشاف کیا کہ وہ ایک عامل (کالے جادو کے ماہر) کے کہنے پر اس ہولناک جرم میں ملوث ہوئے۔ اس عامل نے انہیں یقین دلایا تھا کہ “کسی بچے کی قربانی” ان کے مسائل کو ختم کر دے گی۔
پولیس کے مطابق چہارشنبہ کے روز بچی کے والدین نے شکایت درج کرائی کہ ان کی بیٹی لاپتہ ہو گئی ہے۔ جب پولیس نے تحقیقات کیں تو CCTV فوٹیج میں یہ ظاہر ہوا کہ بچی ملزمان کے گھر میں داخل ہوئی تھی لیکن واپس نہیں نکلی۔
اس بنیاد پر جب جوڑے سے تفتیش کی گئی تو انہوں نے قتل کا اعتراف کر لیا۔ ان کے مطابق، وہ اولاد نہ ہونے کی وجہ سے شدید ذہنی دباؤ میں تھے اور ایک کالے جادو کے ماہر نے انہیں یقین دلا دیا تھا کہ اگر وہ ایک معصوم بچے کو قربان کریں تو ان کے مسائل ختم ہو جائیں گے۔
https://twitter.com/HateDetectors/status/1899104031110263242
ملزمان نے مزید انکشاف کیا کہ قتل کے بعد انہوں نے بچی کی لاش اپنے گھر کے صحن میں دفن کر دی تھی۔
ڈپٹی سپرنٹنڈنٹ آف پولیس (Ponda) شیورام وائگنکر کے مطابق، ملزمان پر قتل اور شواہد مٹانے کی دفعات کے تحت مقدمہ درج کر لیا گیا ہے۔
پولیس مزید تحقیقات کر رہی ہے تاکہ یہ معلوم کیا جا سکے کہ آیا اس جرم میں کوئی اور بھی ملوث تھا یا نہیں۔
ہمیں فالو کریں
