مہر خبررساں ایجنسی کی رپورٹ کے مطابق، سیرین ڈیموکریٹک فورسز کے کمانڈر مظلوم عبدی نے جولانی فورسز کے ہاتھوں ہونے والے قتل عام پر ردعمل کا اظہار کیا ہے۔
انہوں نے جولانی سے مطالبہ کیا کہ وہ اس وحشیانہ قتل عام کے مرتکب افراد کا احتساب کریں۔
مظلوم عبدی نے زور دیا کہ ترکی کے حمایت یافتہ گروہ اور انتہا پسند عناصر اس قتل عام کے ذمہ دار ہیں۔ کیونکہ ترکی کے حمایت یافتہ گروہ ہی بنیادی طور پر اس قتل و غارت گری کی کارروائیوں کی پشت پناہی کر رہے ہیں۔
خبر رساں ذرائع نے آگاہ کیا کہ جولانی رژیم کی سرپرستی میں جبہہ النصرہ کے دہشت گرد اپنے جرائم کے نشانات مٹانے کے لیے منصوبہ بندی کے تحت شام کے ساحل پر مقتولین کی لاشوں کو نذر آتش کر رہے ہیں۔
جولانی کے دہشت گردوں نے علوی علاقوں میں شہریوں پر راکٹ لانچر سے فائرنگ کر کے متعدد رہائشی مکانات کو آگ لگائی ہے۔
سیریئن آبزرویٹری فار ہیومن رائٹس نے جولانی رژیم کی طرف سے طرطوس اور لاذقیہ کے مضافات میں علوی نشین علاقوں میں ٹینکوں اور ڈرون حملوں کی اطلاع دی ہے۔
