مہر نیوز ایجنسی کی رپورٹ کے مطابق، شام کے ایک سکیورٹی ذریعے نے آگاہ کیا کہ ملک کے ساحلی علاقوں جبلہ، طرطوس اور لاذقیہ میں جولانی رژیم کے دہشت گردوں نے نہتے شہریوں کے خون سے ہولی کھیلی ہے اور اب تک سینکڑوں کی تعداد میں علویوں کا قتل عام کیا ہے۔
رپورٹ کے مطابق لاذقیہ کے ثقافتی مرکز کے ڈائریکٹر یاسر صبوح کو بھی الجولانی کے دہشت گرد عناصر نے قتل کر دیا۔
المیادین نے رپورٹ دی ہے کہ شامی شہری ترکمان، چیچن اور شامی دہشت گردوں کے خوف سے گھروں میں محصور ہیں۔
دوسری طرف شمال مغربی شام میں جولانی رژیم کے فوجی حملوں کے نتیجے میں 1000 سے زائد شہری اپنی جانوں سے ہاتھ دھو بیٹھے ہیں۔
سیریئن آبزرویٹری فار ہیومن رائٹس نے آگاہ کیا ہے کہ شام کے ساحلی علاقے میں جولانی رژیم کی دہشت گردانہ کارروائیوں کے دوران اب تک 1018 افراد مارے جا چکے ہیں۔
