وَن نیشن، وَن الیکشن: سابق صدر رام ناتھ کووند کی صدارت میں ہوئی کمیٹی کی پہلی میٹنگ، امت شاہ بھی رہے موجود

بہرحال، کمیٹی کے چیئرمین رام ناتھ کووند ہیں اور آج دوپہر کے بعد سے ہی کمیٹی کے اراکین میٹنگ کے لیے ان کی رہائش پر جمع ہونے شروع ہو گئے تھے۔ جب کمیٹی کے سبھی اراکین پہنچ گئے تو میٹنگ شروع ہوئی، لیکن فی الحال اس میٹنگ میں ہوئی بات چیت سے متعلق کوئی جانکاری نہ ہی مرکزی حکومت کے ذریعہ دی گئی ہے، اور نہ ہی کمیٹی کے اراکین نے ہی کچھ بتایا ہے۔ یہ کمیٹی آئین، عوامی نمائندہ ایکٹ اور دیگر قوانین و ضوابط کا جائزہ لے گی تاکہ وَن نیشن، وَن الیکشن میں موجود دشواریوں کو دور کیا جا سکے۔ یہ کمیٹی قوانین میں اہم ترامیم کی سفارش بھی کرے گی کیونکہ وَن نیشن، وَن الیکشن کا مقصد حاصل کرنے کے لیے یہ ضروری ہے۔ کمیٹی اس بات کا بھی پتہ لگائے گی کہ کیا آئین میں ترمیم کے لیے ریاستوں کی حمایت کی ضرورت ہوگی؟