مہر نیوز ایجنسی کی رپورٹ کے مطابق، تہران کے امام جمعہ آیت اللہ احمد خاتمی نے نماز جمعہ کے خطبوں میں ملک کے خلاف امریکہ اور یورپ کی معاندانہ پالیسیوں پر شدید ردعمل کا اظہار کیا۔
انہوں نے کہا کہ یورپی ٹرائیکا ایران کے خلاف معاندانہ پالیسوں کا سلسلہ بند کرے۔
امام جمعہ تہران نے مزید کہا کہ امریکہ کی غلامی کرنے والوں کو ٹرمپ کے ہاتھوں یوکرین کے صدر کی تذلیل سے سبق حاصل کرنا چاہئے۔
انہوں نے کہا کہ ایرانی عوام امریکہ اور یورپی ٹرائیکا کی دھمکیوں کو خاطر میں نہیں لاتے، یہ معاندانہ سلسلہ پچھلے پینتالیس سالوں سے جاری ہے لیکن ایرانی عوام کی مزاحمت کے باعث دشمن کو ہمیشہ رسوائی کا منہ دیکھنا پڑا ہے۔
آیت اللہ خاتمی نے ترک وزیر خارجہ کے بیانات پر ردعمل کا اظہار کرتے ہوئے کہا کہ ایران کی پالیسی اچھی ہمسائیگی کے اصول پر استوار جب کہ ترک وزیر خارجہ کے بیانات حسن ہمسائیگی کے خلاف ہیں۔
انہوں نے مزید کہا کہ دنیا دیکھ رہی ہے کہ آپ شام میں مداخلت کر رہے ہیں اور فوج بھیج رہے ہیں، یہ اس ملک کی خودمختاری اور ارضی سالمیت کی صریح خلاف ورزی ہے۔
