ہمالیائی علاقوں میں شدید برفباری اور بارش، کئی راستے بند، تعلیمی ادارے متاثر

محکمہ موسمیات نے اتراکھنڈ کے پہاڑی علاقوں میں مزید برفباری اور بارش کے لیے اورنج الرٹ جاری کیا ہے۔ اطلاعات کے مطابق لداخ کے لیہ میں درجہ حرارت منفی 14 ڈگری تک گر گیا ہے، جہاں شدید برفباری کے باعث ہوائی پروازیں بھی منسوخ کر دی گئی ہیں۔

ہماچل پردیش کے کُلّو، لاہول-اسپیتی، چمبا، شملہ اور کنّور میں گزشتہ 24 گھنٹوں سے برفباری اور بارش کا سلسلہ جاری ہے۔ شدید برفباری کے سبب 250 سے زائد سڑکیں بند ہو گئی ہیں، جبکہ چمبہ، لاہول-اسپیتی اور کُلّو کے اسکولوں میں تعطیل کا اعلان کر دیا گیا ہے۔