نئی دہلی: وزارت ِخارجہ نے امریکہ میں سڑک حادثہ میں زخمی ہونے والی ہندوستانی طالبہ نیلم شنڈے کے والدین کے لئے ویزا حاصل کرنے مداخلت کی ہے اور انہیں جلد ہی ویزا دیا جائے گا۔
ذرائع نے آج یہاں بتایا کہ امریکہ میں ہندوستانی طالبہ کے معاملہ میں وزارت ِخارجہ نے یہ معاملہ امریکی فریق کے ساتھ اٹھایا ہے۔
امریکی فریق درخواست دہندگان کے اہل خانہ کے لیے ویزوں کے جلد اجراء کی رسمی کارروائیوں پر غور کر رہا ہے۔مہاراشٹر کے ستارا ضلع کی رہنے والی نیلم (35) کی 14 فروری کو امریکہ میں سڑک حادثہ میں زخمی ہو گئی۔
انہیں کیلیفورنیا میں کار نے ٹکر مار دی جس کے بعد وہ ہسپتال کے آئی سی یو میں داخل ہیں اور کوما میں ہیں۔ پولیس نے اس حادثہ کے ملزم ڈرائیور کو گرفتار کر لیا۔
نیلم کے والد تانا جی شنڈے کی اپیل کے بعد نیشنلسٹ کانگریس پارٹی (شرد پوار) کی رکن پارلیمنٹ سپریا سولے نے وزیر خارجہ ایس جئے شنکر کو نیلم کے خاندان کی مدد کے لیے خط لکھا اور جئے شنکر سے مدد کی درخواست کی گئی۔
ہمیں فالو کریں
