حیدرآباد: اتر پردیش کے پریاگ راج میں منعقدہ مہا کمبھ میلے سے واپسی کے دوران پیش آئے سڑک حادثہ میں تلنگانہ کے تین افراد موقع پر ہی ہلاک ہوگئے، جبکہ تین دیگر شدید زخمی ہوگئے۔
تفصیلات کے مطابق تلنگانہ کے سنگاریڈی ضلع کا ایک خاندان کار میں کمبھ میلے میں شرکت کے لئے گیا تھا۔
وہاں پوجا کے بعد واپسی کے دوران یہ حادثہ پیش آیا۔ ان کی کار کو ایک لارِی نے ٹکر مار دی، جس کی وجہ سے تین افراد ہلاک ہوگئے اور تین دیگر زخمی ہوگئے۔
مرنے والوں میں ظہیر آباد ایریگیشن ڈی ای وینکٹ رامی ریڈی، ان کی اہلیہ ولاسنی، اور کار ڈرائیور نیالکل منڈل کے رہائشی ملّا ریڈی شامل ہیں۔
پولیس نے کیس درج کر کے جانچ شروع کر دی۔ زخمیوں کی فوری طور پر شناخت نہیں ہوسکی۔
ہمیں فالو کریں
