اس سے قبل لوک سبھا کی کارروائی شروع ہوتے ہی اپوزیشن اراکین نے وقف بل سے متعلق جے پی سی رپورٹ پر ہنگامہ شروع کر دیا۔ سبھی ویل میں پہنچ کر وقف بل واپس لینے کا مطالبہ کرتے ہوئے نعرہ بلند کرنے لگے۔ لوک سبھا اسپیکر اوم برلا نے اپوزیشن اراکین سے وقفہ سوال کی کارروائی چلنے دینے کی گزارش کی، لیکن ہنگامہ ختم نہیں ہوا۔ اوم برلا نے کہا کہ ’جب بل آئے گا، تب دیکھیں گے‘، لیکن اپوزیشن اراکین نے جے پی سی رپورٹ پر اپنی ناراضگی ظاہر کرتے ہوئے ہنگامہ جاری رکھا۔ اس ہنگامہ کو دیکھتے ہوئے اوم برلا نے ایوان کی کارروائی دوپہر 2 بجے تک کے لیے ملتوی کر دی۔
وقف ترمیمی بل 2024: زوردار ہنگامہ کے درمیان راجیہ سبھا میں جے پی سی رپورٹ پیش، لوک سبھا 2 بجے تک ملتوی
