دہلی-این سی آر سمیت شمالی ہند میں موسم خوشنما بنا ہوا ہے۔ اتر پردیش، بہار سمیت شمالی ہند کی کئی ریاستوں میں لوگوں کو شدید ٹھنڈ سے تقریباً نجات مل چکی ہے۔ حالانکہ صبح اور شام میں ہلکی ٹھنڈ کا احساس ہو رہا ہے۔ محکمہ موسمیات کے مطابق آج دہلی میں آسمان صاف رہے گا۔ مغرب سے تیز ہوائیں چلنے کا اندازہ ہے۔
دوسری طرف آئی ایم ڈی کےمطابق شمال مشرقی بنگلہ دیش اور آس پاس کے علاقوں میں طوفانی ہواؤں کا گھیرا بن رہا ہے جس کی وجہ سے شمال مشرقی ہند میں شدید بارش کا خدشہ ہے۔ آج اور کل (13-12 فروری) ناگالینڈ، منی پور، میزورم اور تریپورہ میں بارش ہو سکتی ہے۔ 6 ریاستوں میں بارش کا الرٹ جاری کیا گیا ہے۔
