مہر خبررساں ایجنسی کی رپورٹ کے مطابق، امام خمینی رہ کی قیادت میں 1979 میں عوام کی وسیع حمایت میں اسلامی انقلاب رونما ہوا۔ آج ایرانی کلینڈر کے مطابق گیارہویں مہینے کی 22 تاریخ کو ایران کے کونے کونے میں زندگی کے ہر طبقے اور مختلف شعبوں سے تعلق رکھنے والے اسلامی انقلاب کی کامیابی کا جشن منانے کے لئے سڑکوں اور شاہراہوں پر نکل کر ریلیاں نکال رہے ہیں۔
بہمن کا مہینہ در حقیقت اسلام، قرآن ، مسلمانوں اور مستضعفیں کی عزت و وقار کا مہینہ ہے یہ مہینہ امریکہ نواز بادشاہوں کی بادشاہت کے خاتمہ کا مہینہ ہے۔ یہ مہینہ استقلال، آزادی اور استقامت کا مہینہ ہے۔ اس مہینہ میں انقلاب اسلامی کے شجرہ طیبہ کو عظیم اور تاریخی کامیابی نصیب ہوئی۔ اسلامی جمہوریہ ایران کے دارالحکومت تہران اور دیگر چھوٹے بڑے شہروں اور دیہاتوں میں 22 بہمن انقلاب اسلامی کی کامیابی کی 46ویں سالگرہ کے موقع پر عظیم الشان ریلیاں نکالی جارہی ہیں۔ ایران بھر میں انقلاب اسلامی کی کامیابی کی 46ویں سالگرہ قومی جوش و خروش اور مذہبی جذبہ و ولولہ کے ساتھ منائی جارہی ہے۔ ایران کی فضائیں ایک بار پھر امریکہ مردہ باد اور اسرائیل مردہ باد کے نعروں سے گونج رہی ہیں۔
انقلاب اسلامی کی سالگرہ کے موقع پرایران میں ہزار ملکی اور غیر ملکی نامہ نگار خبریں نشر کرنے کے لئے موجود ہیں۔ تہران کی عظيم الشان ریلی میں عوام مختلف راستوں اور سمتوں سے آزادی اسکوائر کی جانب رواں دواں ہیں۔
انقلاب اسلامی کی کامیابی کےسلسلے میں مرکزی ریلی تہران میں نکلے گی۔ دارالحکومت کے مختلف حصوں سے لوگ مختلف شاہراہوں سے ہوتے ہوئے آزادی اسکوائر پر جمع ہوں گے جہاں صدر مملکت ڈاکٹر پزشکیان سمیت دیگر اعلیٰ حکام ریلی کے شرکاء سے خطاب کریں گے۔
فردوسی اسکوائر کے غرفے عوامی ریلی میں لوگوں کی شرکت کے لیے تیار ہیں۔
اہواز میں ریلی کا آغاز
یہ ریلی، جو ہر سال معاشرے کے تمام طبقات سے تعلق رکھنے والوں کی بڑی تعداد میں شرکت کے ساتھ منعقد ہوتی ہے، ایران کے عوام کے اتحاد، یکجہتی اور چیلنجوں اور خطرات کے مقابلے میں ان کے استقامت کی علامت ہے۔
اہواز میں 22 بہمن کی ریلی مولوی چوک سے شروع ہوگئی ہے اور ریلی میں شریک افراد سلمان فارسی اسٹریٹ کی طرف بڑھ رہے ہیں۔
دہلران کے عوام نے 22 بہمن کی ریلی میں پرجوش شرکت
شہر کے مرکزی راستوں پر ہزاروں مرد، خواتین، جوان اور بچے تین رنگے ایرانی پرچم لہراتے ہوئے اور انقلابی نعرے لگاتے ہوئے نظر آئے۔ یہ ریلی، جو ہر سال انقلاب اسلامی کی فتح کی یاد میں منعقد کی جاتی ہے، دہلران کے لوگوں کے انقلابی جذبے اور اسلامی جمہوریہ کے ساتھ ان کی مضبوط وابستگی کی عکاس ہے۔
شرکاء نے “استقلال، آزادی، جمہوری اسلامی”، “مرگ بر آمریکا” (امریکا مردہ باد)، اور “مرگ بر اسرائیل” (اسرائیل مردہ باد) جیسے نعرے لگائے، جو ان کے انقلابی عزم اور بیرونی دباؤ کے خلاف مزاحمت کو ظاہر کرتے ہیں۔
ایرانی شہر ساری میں جشن انقلاب کا آغاز
قم میں 22 بہمن کے عوامی مارچ کا آغاز
انقلاب اسلامی کی 46ویں سالگرہ کے موقع پر آج پورے ایران کے شہروں اور قصبوں میں عوام انقلاب اسلامی کا جشن منانے کے لئے سڑکوں اور شاہراہوں پر ریلیاں نکال رہے ہیں۔
ٹرمپ اور نیتن یاہو کے تابوت شہدائے مقاومت کے قدموں میں
یہ تصویر کشی اس بات کی علامت ہے کہ شہداء کی قربانیوں اور عوام کے عزم کے سامنے استکباری طاقتوں کی پالیسیاں اور عزائم خاک میں مل جائیں گے۔
ایرانی وزیر تعلیم: 22 بہمن ایرانی قوم کے اتحاد اور ہمدردی کا مظہر ہے
ایران کے وزیر تعلیم علی رضا کاظمی نے صحافیوں سے گفتگو کرتے ہوئے کہا کہ 22 بہمن، انقلاب کے آغاز سے، استکباری دنیا کے خلاف ایرانی قوم کے اتحاد اور ہمدردی کے مظہر رہا ہے۔ آج ہم عالمی استکبار کے خلاف عوام کی توانا آواز اور بھرپور موجودگی کا مشاہدہ کر رہے ہیں۔
شیراز میں جشن انقلاب اسلامی کا آغاز، عوام کی بھرپور شرکت
اصفہان میں 22 بہمن کی مناسبت سے ریلی
انقلاب اسلامی کی فتح کی 46ویں سالگرہ کے موقع پر عوامی مارچ نقش جہاں اسکوائر کی طرف جانے والے راستوں پر مختلف عوامی گروہوں کی شرکت کے ساتھ شروع ہوا۔
اس سال بھی 22 بہمن کی تقریب ملک کے دیگر حصوں کی طرح اصفہان میں بھی صبح 9:30 بجے شروع ہوئی۔
ایران طاقتور ہے، کسی دھمکی سے مرعوب نہیں ہوگا
سپاہ پاسداران کی فضائیہ کے کمانڈر جنرل حاجی زادہ نے کہا کہ ٹرمپ ایران پر حملے کی جرائت نہیں رکھتا۔ ایران اتنا طاقتور ہے کہ دھمکیوں سے مرعوب نہیں ہوگا۔ عوام بیرونی حملوں سے پریشان نہ ہوں۔ ہمیں اندرونی مشکلات حل کرنا چاہئے۔
مقامی وقت کے مطابق صبح 9:00 بجے ملک بھر میں ریلیوں کا آغاز ہوا۔
تہران میں 22 بہمن کی ریلی کی سائیڈ لائنز
ایرانی چیف جسٹس کی ریلی میں شرکت
ہر ایرانی کے ہاتھ میں کوئی نہ کوئی بینر یا سائن بورڈ ہے جس پر مختلف قسم کے نعرے درج ہیں، رہبر کے فرمان پر جان قربان، ہم سب آپ کے سپاہی ہیں، خامنہ ای جیسے نعرے درج ہیں۔
انقلابی بچے
شہید حاج قاسم سلیمانی سے محبت
ریلی میں شریک ایرانی شہری کا کہنا ہے کہ شہید سلیمانی کی محبت میں وہ اپنے دو بچوں کے ساتھ دارالحکومت کے مارچ میں شرکت کے لیے تین دن سے تہران میں موجود ہیں۔
ایران بھر میں جشن انقلاب جاری
ریلیوں میں شریک زیادہ تر افراد کے ہاتھ میں بانی انقلاب اسلامی حضرت امام خمینی رحمۃ اللہ علیہ اور رہبر انقلاب اسلامی حضرت امام خامنہ ای کی تصاویر نظر آرہی ہیں۔
کرمانشاہ میں 22 بہمن کی مناسبت سے عظیم الشان ریلی
کرمانشاہ کے عوام نے پیر کی صبح انقلاب اسلامی کی 46 ویں سالگرہ کی مناسبت سے ریلیاں نکالیں۔
ہمدان میں 22 بہمن کی مناسبت سے عظيم الشان ریلی
ایران کے صوبہ ہمدان میں 22 بہمن انقلاب اسلامی کی کامیابی کی 46ویں سالگرہ کے موقع پر عظيم الشان ریلی نکالی گئی۔
مشہد مقدس میں جشن انقلاب
انقلاب اسلامی ایران کی 46ویں سالگرہ کے موقع پر مشہد مقدس میں ایک عظیم الشان ریلی نکالی گئی جو اپنے مقررہ راستوں سے ہوتی ہوئی حرم مطہر امام رضا علیہ السلام میں اختتام پذیر ہوئی۔
شیراز میں جشن سالگرہ انقلاب اسلامی
ایرانی شہر دامغان میں جشن انقلاب، عوام کی بھرپور شرکت
ریلیوں میں شریک زیادہ تر افراد کے ہاتھ میں بانی انقلاب اسلامی حضرت امام خمینی رحمۃ اللہ علیہ اور رہبر انقلاب اسلامی حضرت امام خامنہ ای کی تصاویر نظر آرہی ہیں۔
ایران کے انقلابی عوام کے پرجوش مارچ میں جنرل قاآنی شریک
پاسداران انقلاب اسلامی کی قدس فورس کے کمانڈر جنرل اسماعیل قاانی نے (اسلامی انقلاب کی سالگرہ) کے مارچ میں شرکت کی۔
