سوسائٹی کے دیگر لوگوں نے بھی آلودہ پانی کی شکایت کی ہے۔ کئی لوگ باہر سے پانی منگوا رہے ہیں۔ پنچ شیل سوسائٹی کے اے او اے کے سکریٹری وجئے نے بتایا کہ بیماریوں کی اطلاع گروپ کے توسط سے ملی تھی۔ وہیں گریٹر نوئیڈا اتھاریٹی کے ایس ای او سنیل کمار سنگھ نے بتایا کہ سپر ٹیک اِیکو ولیج اور پنچ شیل ہائی نش سوسائٹی میں آلودہ پانی سے لوگوں کے بیمار ہونے کی اطلاع ملنے پر ٹیم نے موقع پر جا کر نمونے لیے ہیں۔
سوسائٹی کے اندر موجود ٹینک کے ساتھ ہی باہر واقع اتھاریٹی کے یو جی آر سے بھی نمونے لیے گئے ہیں۔ رپورٹ آنے کے بعد ہی یہ صاف ہو پائے گا کہ پانی کے آلودہ ہونے کی وجہ کیا ہے؟
