کنر اکھاڑہ کا مہامنڈلیشور بنائے جانے کے بعد ممتا بنرجی کو عہدے سے ہٹا دیا گیا۔ اس حوالے سے کافی تنازعہ بھی ہوا۔
فائل تصویر آئی اے این ایس
سابق فلمی اداکارہ ممتا کلکرنی ان دنوں سرخیوں میں ہیں۔ کچھ دن پہلے انہیں کنر اکھاڑہ کا مہامنڈلیشور بنایا گیا تھا لیکن ایک تنازعہ کے بعد انہیں اس عہدے سے ہٹا دیا گیا تھا۔ بہت سے سنتوں اور باباؤں نے مہامنڈلیشور کے طور پر ان کی تقرری کے خلاف احتجاج کیا تھا، بشمول باگیشور دھام کے بابا پنڈت دھیریندر شاستری اور یوگا گرو بابا رام دیو۔ ممتا کلکرنی نے ان دونوں باباؤں کو اپنے انداز میں جواب دیا۔
دراصل، وہ حال ہی میں انڈیا ٹی وی کے شو’ آپ کی عدالت ‘میں نظر آئی تھیں۔ اس دوران ان سے اس تنازعہ سے متعلق کچھ سوالات پوچھے گئے۔ بابا رام دیو کی مخالفت کے بارے میں پوچھے جانے پر، ممتا کلکرنی نے کہا، ”اب میں بابا رام دیو کو کیا کہوں؟ انہیں مہاکال اور مہاکالی سے ڈرنا چاہیے۔ میں ان پر چھوڑ دیتی ہوں۔”
انہوں نےباگیشور دھام کے بابا پنڈت دھیریندر شاستری کے تعلق سے کہا، “وہ نیپی… دھیریندر شاستری ہے۔ میں نے ان کی عمر کے برابر یعنی 25 سال کی تپسیا کی ہے۔ میں دھیریندر شاستری کو بتانا چاہتی ہوں کہ ان کے گرو رام بھدراچاریہ کے پاس دیویہ نظر ہے، ان سے پوچھو کہ میں کون ہوں۔‘‘ اسی پر ان کو خاموش رہنے کی نصیحت بھی کر دی۔
ممتا کلکرنی نے یہ بھی کہا کہ وہ مہامنڈلیشور نہیں بننا چاہتی تھیں لیکن کنر اکھاڑہ کے آچاریہ لکشمی نارائن ترپاٹھی نے انہیں ایسا کرنے پر مجبور کیا۔ وہ بننے کے لیے بھی تیار نہیں تھیں۔ ساتھ ہی ممتا کلکرنی پر مہامنڈلیشور بننے کے لیے پیسے دینے کا بھی الزام تھا۔ اس الزام پر انہوں نے کہا کہ ان کے پاس پیسے نہیں ہیں۔ انہوں نے کہا کہ ’میرے تمام اکاؤنٹس ضبط کر لیے گئے ہیں اور میں نے گرو کو 2 لاکھ روپے قرض لے کر دئیے ہیں ۔‘
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
