حیدرآباد: تلنگانہ کے ضلع سدی پیٹ سے تعلق رکھنے والی ایک خاتون گولین۔ بیرسنڈورم(جی بی ایس) کے عارضہ کا شکار ہوگئی ہے۔یہ بات کمس ہاسپٹل کی جانب سے جاری کردہ بیان میں بتائی گئی ہے۔
بتایا جاتا ہے کہ عصابی مرض کی تشخیص کی گئی۔ مذکورہ نوعیت کا مرض بہت کم ہوتا ہے لیکن اس خاتون کی تشخص پر اس کا علم ہوا ہے۔ 25سالہ خاتون دواخانہ میں شریک ہے اور کمس ہاسپٹل میں مصنوعی عاضہ تنفس کے سہارے پر رکھی گئی ہے۔
کنسلٹنٹ نیرولوجسٹ ڈاکٹر پروین کماریادا نے بتایا کہ اس خاتون نے پونے کا سفر نہیں کیا جہاں یہ مرض پھیل رہا ہے۔
ریاست تلنگانہ میں یہ پہلا کیس ہے۔ اس کے خاندان میں ایسا کوئی مریض نہیں رہا۔ مذکور خاتون ابتداء میں ایک ہفتہ تک دوسرے دواخانہ میں بھی زیر علاج تھی لیکن اس کی حالت بگڑ گئی۔
جس کے بعد خاتون کو عصری طبی ضروریات کی تکمیل کیلئے کمس کو منتقل کیا گیا۔ڈسٹرک میڈیکل اینڈ ہیلت آفیسر سدی پیٹ سے ربط پیدا کرنے پر بتایا گیا کہ مذکورہ کیس سے وہ لا علم ہے۔پونے اورقرب و جوار کے علاقوں میں جی بی ایس مرض پھیلتا جارہا ہے۔ بتایا جاتا ہے کہ آلودہ پانی کا استعمال اس کی وجوہات میں شامل ہے۔
ہمیں فالو کریں
