رشی اجئے داس کی باتوں سے پتہ چلتا ہے کہ وہ لکشمی نارائن ترپاٹھی سے بھی بہت ناراض ہیں۔ ان کا کہنا ہے کہ ’’میں نے 2015 میں کِنڑ اکھاڑا قائم کیا تھا اور لگاتار کام کر رہا ہوں۔ اس اکھاڑے کی تشکیل کرنے کا مقصد تھا مذہبی کام کیے جائیں، کتھائیں ہوں، یگیہ کیے جائیں۔ لیکن انھوں نے (لکشمی نارائن نے) کچھ بھی نہیں کیا۔ ہم نے انھیں برداشت کیا، لیکن جب انھوں نے ایک غدارِ وطن خاتون کو آتے ہی مہامنڈلیشور کا عہدہ دے دیا، تو یہ بہت ہی غلط کام کیا۔‘‘ وہ کہتے ہیں کہ ’’جب ملک کے مفاد کی بات آئے گی، سماج کے مفاد کی بات آئے گی تو میرے جیسے شخص کو کھڑا ہونا پڑے گا۔ اسی لیے جو کچھ ہوا اسے دیکھتے ہوئے اور ان کے بھٹکاؤ کو دیکھتے ہوئے میں آج ممتا کلکرنی اور لکشمی نارائن ترپاٹھی کو ان کے عہدوں سے آزاد کرتا ہوں۔‘‘
ممتا کلکرنی 3 غلطیوں کے سبب ’مہامنڈلیشور‘ عہدہ سے ہٹائی گئیں، اکھاڑے سے بھی کیا گیا باہر
