مہر خبررساں ایجنسی کے مطابق، انصار اللہ کے ترجمان اور مذاکراتی وفد کے سربراہ محمد عبدالسلام نے صدر ٹرمپ کے متنازعہ منصوبے پر شدید ردعمل کا اظہار کرتے ہوئے کہا ہے کہ امریکہ بین الاقوامی قوانین کی خلاف ورزی کر رہا ہے۔
انہوں نے کہا کہ ماضی میں امریکی اور اسرائیلی ناپاک منصوبے خاک میں مل گئے ہیں۔ فلسطین کے مسئلے کو ختم کرنے کی یہ کوششیں بھی ناکامی سے دوچار ہوں گی۔
انہوں نے مزید خبردار کیا کہ غزہ کے عوام کو ہمسایہ ممالک کی طرف جبری دھکیلنا خطے کے لیے ایک سنگین خطرہ ہے۔ فلسطینی عوام، عرب ممالک اور عالمی برادری کے نزدیک یہ منصوبہ مکمل طور پر ناقابل قبول ہے۔
