ہندوستانی خلائی اور تحقیقی تنظیم (اسرو) نے خلائی دنیا میں ایک اور قدم آگے بڑھاتے ہوئے تاریخ رقم کر دی ہے۔ اس نے شری ہری کوٹا کے ستیش دھون خلائی مرکز سے اپنے 100ویں مشن یعنی جی ایس ایل وی راکیٹ کو کامیابی کے ساتھ لانچ کر دیا ہے۔ یہ ایک نیوی گیشن سیٹیلائٹ ہے۔ یہ اسرو کے چیئرمین وی نارائنن کی قیادت میں پہلا مشن تھا۔ انہوں نے 13 جنوری کو اپنے عہدے کی ذمہ داریاں سنبھالیں تھیں۔
ذرائع نے بتایا کہ کرایوجینک مرحلے کے ساتھ جی ایس ایل وی اپنی 17ویں پرواز میں نیوی گیشن سیٹیلائٹ این وی ایس-02 کو لے کر یہاں دوسرے لانچ پیڈ سے 29 جنوری (بدھ) کو صبح 6:23 بجے لانچ ہوا۔
